Presoen egoera konpontzeko aldarria eraman du jendetzak estropadetara

Premiazkoa da presoen, iheslarien eta deportatuen auziarentzat irtenbide bat adostea, Euskal Herrian benetako bake eta bizikidetza lortu ahal izateko. Manifestazio jendetsu batek azaleratu du behar hori ‘Kalera, bakea eta askatasuna irabaztera’ lelopean Donostiako kaleetan, estropaden egun honetan. Ezker abertzalearen KALERA KALERA dinamikak bere konpromisoa erakutsi du gainerako euskal eragileekin elkarlanean aritu eta bide-orri bat adosteko.

Olaia Matxain KALERA KALERAko bozeramailearen esanetan, “egun honetan, manifestazio honen bitartez, KALERA KALERA dinamikak presentzia izango du Donostiako kaleetan eta ozen aldarrikatu nahi dugu gatazkaren ondorioetako esparruan arduraz jokatzeko garaia iritsi dela”.

Bakearen bidean asko egiteko dagoela adierazi du Matxainen. “Bide horretan Euskal Herriko eragile politiko, sozial eta instituzional guztien artean bide-orri egoki bat osatzeko ordua iritsi da. Bide-orri horrek balio behar du aurreko fasea modu iraunkor eta egokian ixteko. Eta helburu horretan gure ahalegin zintzoenak egin behar ditugu”, gaineratu du.

“Herri honetan ez da benetako bakerik eta elkarbizitzarik izango sufrimenduak jarraitzen duen bitartean. Euskal presoek, iheslariek, deportatuek eta haien senideek sufritzen jarraitzen dute oraindik”, azaldu du KALERA KALERAko bozeramaileak.

“Herri honek, gure seme-alabek, merezi dute ahalegin hau, haientzat izango delako geroa. KALERA KALERA dinamikak etorkizun hori eraikitzeko konpromiso osoa berresten du”, adierazi du Matxainek.


Agenda:

Infinite Scroll Laravel 5

Iritzia:

Resolución del XXIV Foro de Sao Paulo

Los partidos participantes en el XXIV FSP entre los días 15-17 de julio en La Habana, Cuba.

Ekainaren 2ko deklarazioa. Orain presoak

Talde anitz eta zabal batek sinatua *

Declaración del 2 de junio. Ahora lxs presxs

*Multiples personalidades

Asmakeriarik ez, Fernandez jauna

Txema Matanzas (Abokatua eta preso ohia) eta Antton Lopez (Euskal Presoen aldeko Batzordearen arduraduna eta preso ohia)

EPPK-ren oharra euskal jendarteari

EPPK- Euskal Preso Politikoen Kolektiboa