Ibon Iparragirreren “berehalako” kaleratzea eskatu dute Basauriko giza katean

[Lea-Artibai eta Mutrikuko Hitza] Ehunka laguneko giza kateak batu ditu gaur (azaroak 11) goizean Basauriko kartzela eta osasun zentroa. Preso gaixoen eta, bereziki, Ibon Iparragirre ondarrutarraren egoera salatu dute, hauen osasun eskubideak onartuak izan daitezela aldarrikatuz.

Basauriko kartzelatik osasun zentrorainoko egin den giza katea. Argazkia: Sare

Basauriko kartzelatik osasun zentrorainoko egin den giza katea. Argazkia: Sare

Joseba Azkarraga Sare plataformako eledunak eta Amaia Txurruka medikuak hartu dute hitza giza katearen ostean, Solabarria plazan egin den ekitaldian. Egoera horregaz behingoz amaitu beharra dagoela azpimarratu du Txurrukak. “Larriki gaixo dauden presoek etxean egon behar dute, hemen artatu behar ditugu eta euren egoeraren berri ezagutu behar dugu momentuz momentu”.  Preso gaixoak senide eta lagunen alboan jaso behar dutela artatze hori ere gaineratu du medikuak. “Eta inolaz ere ezin ditugu ehunka kilometrotara dauden kartzeletan hiltzen utzi”.

Osasunerako eskubidea oinarrizko eskubide bat dela aldarrikatu du Joseba Azkarragak “eskubide unibertsal bat”, eta batez ere Ibon Iparragirreren egoeraz kezkatuta agertu da, Iparragirreren kasua mendeku eta gorroto politikaren adibide garbia dela azpimarratuz. Hori dela eta, preso gaixo ondarrutarraren “berehalako” kaleratzea eskatu du.

Joseba Azkarraga Solabarria plazan egin den ekitaldian. Argazkia: Sare

Joseba Azkarraga Solabarria plazan egin den ekitaldian. Argazkia: Sare

«Gorrotoari, mendekuari, errebantxari» aurre egin eta «askatasunari, konponbideari eta elkarbizitzari» ateak irekitzeko deia egin du Azkarragak. Behar den bezain beste kalera atera behar dela adierazi du. “Abenduaren 9an Parisen aurkituko gara eta urtarrilaren 13an Bilboko kaleak beteko ditugu berriz ere”. “Humanitatearen, duintasunaren eta legearen» izenean larriki gaixorik dauden presoak kalean uztea exijitu du.


Agenda:

Infinite Scroll Laravel 5

Iritzia:

Kea saldu du Espainiar Gobernuak, euskal gizartearen itxaropenarekin eta senideen sufrimenduarekin jolasten ari da

Etxerat

SOBRE REORIENTAR LA POLÍTICA PENITENCIARIA

Oihana Garmendia eta Kai Saez de Egilaz (Presoen Batzordea, Sortu)

Resolución del XXIV Foro de Sao Paulo

Los partidos participantes en el XXIV FSP entre los días 15-17 de julio en La Habana, Cuba.

Ekainaren 2ko deklarazioa. Orain presoak

Talde anitz eta zabal batek sinatua *

Declaración del 2 de junio. Ahora lxs presxs

*Multiples personalidades