Herri gisa aritzeko ordua da

'Kalera, bakea eta askatasuna irabaztera' lelopean, manifestazioa antolatu du KALERA KALERA dinamikak irailaren 17rako Portugaleten, estropadak direla eta. Ezker abertzalearen dinamikak euskal presoen auziarentzat behin betiko irtenbidea aldarrikatu nahi du manifestazioaren bitartez.

Irati Tobar KALERA KALERAko bozeramaileak honako hau adierazi du gaur Portugaleten, manifestazioa iragartzeko prentsaurrekoan:

“Lehenik eta behin, euskal preso, iheslari eta deportatu politikoei gure babesa eta maitasuna helarazi nahi dizkiegu. Eta Ezker Abertzalearen konpromisoa berretsi nahi dugu gaurkoan: Ez dugu etsiko errepresaliatu guztiak Euskal Herriko kaleetan libre izan arte!

“Argi daukagu aurreko fasea gainditzeko, konfrontazio armatuaren ondorioei irtenbide justu eta iraunkorra emateko, gure ondorengoek bakean eta askatasunean bizi ahal izateko kartzelak eta deserria hustu egin behar ditugula.

“Herri honek ez du elkarbizitzarik ezta askatasunik ezagutuko errepresaliatu politikoak existitzen diren birtartean. Konponbide integrala behar du auzi honek, eta horretarako euskal eragileen artean arduraz jokatu eta adostasunak erdietsi behar ditugu.

“Ezin dugu gure herria sufrimendura kondenatu, eta hori da Madrildik luzatzen diguten eskaintza bakarra. Garaile eta garaituen eskema ankerra eta kriminala da; gatazka politikoa desitxuratzeko eta herri honen etorkizuna baldintzatzeko baino ez du balio.

“Euskal Herrian, aldiz, badago gehiengo sozial, sindikal eta politikoa aurreko zikloa gainditu nahi duena. Horregatik, hemendik eragile guztiei dei egiten diegu guztion artean bide orri bat adostu dezagun. Larri gaixo dauden presoak askatzeko, sakabanaketarekin bukatzeko eta, finean, preso politiko guztiak askatzeko kontsentsutik eta akordiotik ekin eta plangintza integral bat osatu behar dugu.

“Beraz, konponbidea bultzatzeko Kalera Kalera dinamikatik datorren irailaren 17an, igandean, eguerdiko 13:30etan Portugaleteko Solar plazatik abiatuko den manifestazioan parte hartzeko deia luzatzen diogu euskal jendarteari!”.


Agenda:

Infinite Scroll Laravel 5

Iritzia:

UNITÉ, SOLIDARITÉ ET LIEN AVEC LE PEUPLE

Rapport de conclusion du débat mené par le Collectif des Prisonniers Politiques Basques

Réauko Zuzendariari igorritako gutuna

Mikel Albisu Iriarte, Maixol Iparragirre Guenetxea, Mikel Karrera Sarobe, Ainhoa Ozaeta Mendikute eta Itziar Plaza Fernandez (EPPK-ko kideak)

Askatasunaren ibilaldia, presoen aldeko pausoak

Jokin Urain Larrañaga, Kristina Gete Etxebarria, Iñaki Gracia Arregi, Eukene Gracia Campillo, Kepa Zubizarreta Balboa (preso politiko ohiak)

Espetxe politika garai berrira egokitzeko eskatu diogu sindikatuok Espainiako Gobernuari

ELA, LAB, UGT, Steilas, ESK, Hiru, EHNE Konfederazioa eta Etxalde Mugimendua

Izarrekin Sara etxera

Leire Gallastegi, Joxean Jauregi eta Gurutz Sanzberro (Donostiako 15 ikastetxetako 35 irakasleren izenean)