Etxeratek positiboki baloratu du urrunketaren amaieraren bidean Nafarroako Parlamentuak emandako urratsa

[ETXERAT].  Espainiar estatuak mantentzen duen salbuespenezko espetxe politika suntsitzailearen eraginez Xabier Rey euskal preso politikoa joan zen astean Puerto III espetxean zendu ondoren, gaur Nafarroako Parlamentua sakabanaketaren aurka eta beste espetxe politika baten alde agertu da.

Adierazpen instituzionala onartu du hain justu Nafarroako Parlamentuak. Bi puntu ditu onartutako adierazpenak. Lehen puntuan, Nafarroako Parlamentuak adierazten du ez dagoela ados "egungo espetxe politikarekin", presoak urruntzen dituelako eta isolamenduaren moduko salbuespenezko neurriak ezartzen dituelako. Bigarren puntuak dio "beste espetxe politika bat" behar dela presoek euren zigorra lagunartetik eta familiatik urrun dauden tokietan iragan ez dezaten, eta "familiarekin harremana erraztu asmoz".

Bi puntuko adierazpena babestu dute Geroa Baik, EH Bilduk, Ahal Dugu-k eta Ezkerrak. PSNk, lehen puntuan aurka bozkatu badu ere bigarrengoan alde egin du. Eta UPNk eta PPk aurka bozkatu dute.

Etxeratek positiboki baloratzen du gaurko ekinbidea, finean, urrunketaren amaieraren bidean beste harri bat gehitu da gaur Nafarroako Parlamentuan.


Agenda:

Infinite Scroll Laravel 5

Iritzia:

Hau da gure egoera: giza eskubideak?

Ainhoa Larramendi Muxika - Euskal preso politiko baten senidea

"Orain Presoak" dinamikak larunbaterako egindako deialdietan egongo gara hainbat sindikatu

ELA, LAB, UGT, Steilas, ESK, EHNE, Hiru, Etxalde

Lannemezango presoon egoera judiziala

Lannemezan espetxeko euskal preso politikoak, 2018ko irailean.

Kea saldu du Espainiar Gobernuak, euskal gizartearen itxaropenarekin eta senideen sufrimenduarekin jolasten ari da

Etxerat

SOBRE REORIENTAR LA POLÍTICA PENITENCIARIA

Oihana Garmendia eta Kai Saez de Egilaz (Presoen Batzordea, Sortu)