Anderson eurodiputatuak Fernandez Iradiren kondena etetea eskatu du bisita egin ondoren

[ETXERAT] Etxerat Elkarteak Europan egindako lanaren baitan eta, bereziki, Basque Friendship Groupeko diputatuek hartutako konpromisoak direla medio, gaur Martina Anderson Sinn Feineko diputatuak Ibon Fernandez Iradi bisitatu du Lannemezango espetxean. Fernandez Iradik Esklerosi anizkoitza diagnostikatu zioten 2012an. Bisita egin ondoren, Andersonek, Lopez Iradiren kondena etetea eskatu du eta, bidez batez, gaixo larriak dituzten 21 euskal preso politikoen auzia konpontzea eskatu du eurodiputatu irlandarrak.

Gaurko ekimena joan zen asteartean iragarri zuten eurodipitatuek. Bai Frantzian zein Espainiako espetxeetan gaixotasun larriak pairatzen dituzten euskal presoak bisitatuko dituzte Basque Friendship Groupe taldeko diputatuek.

Izan ere, Lidia Senrak (Galiziako europar diputatua GUE/NGLn), Martina Anderson eta Lynn Boylan Mark Demesmaekerrek (NVAko europar diputatua, ECR taldean), Martina Anderson eta Lynn Boylan (Sinn Féin), Mark Demesmaekerrek (NVAko europar diputatua, ECR taldean), eta Josep-Maria Terricabras (ERC), Txus Martin, Josetxo Arizkuren, Gorka Fraile eta Ibon Fernandez Iradi bera ikusteko baimenak eskatu dituzte.

Gaixotasun larri eta sendaezinak dituzten euskal preso politikoen egoera ezagutzeko europarlamentariek emandako aurrerapausoa txalotu egiten dugu Etxerat Elkartetik, horrek gainera zeharo lagunduko die parlamentariei, giza eskubideen aldeko lanean aritzeko, bereziki, preso dauden pertsonen alde eta batez ere, gaixo dauden presoen eskubideen alde. Urrunketa etetearen alde igaz agertu zen Bergeron Txostena, Europako Parlamentuko gehiengoak onartu zuela gogorarazi dute Basque Friendship Groupeko diputatuek.


Agenda:

Infinite Scroll Laravel 5

Iritzia:

Hau da gure egoera: giza eskubideak?

Ainhoa Larramendi Muxika - Euskal preso politiko baten senidea

"Orain Presoak" dinamikak larunbaterako egindako deialdietan egongo gara hainbat sindikatu

ELA, LAB, UGT, Steilas, ESK, EHNE, Hiru, Etxalde

Lannemezango presoon egoera judiziala

Lannemezan espetxeko euskal preso politikoak, 2018ko irailean.

Kea saldu du Espainiar Gobernuak, euskal gizartearen itxaropenarekin eta senideen sufrimenduarekin jolasten ari da

Etxerat

SOBRE REORIENTAR LA POLÍTICA PENITENCIARIA

Oihana Garmendia eta Kai Saez de Egilaz (Presoen Batzordea, Sortu)